Vjosa Osmani takohet me Donald Trump: Miqësia me SHBA-të mbetet boshti i pathyeshëm
Presidentja e Kosovës, Vjosa Osmani vlerëson rolin e Shteteve të Bashkuara për paqen dhe lirinë në rajon, duke e quajtur partneritetin me Amerikën zemrën e lirisë kosovare.
Foto: Ilustrim
Osmani ka ndarë detaje nga takimi i saj me presidentin amerikan Donald Trump, duke e cilësuar atë si një bisedë të gjatë dhe përmbajtësore.
Rreth takimit dhe bisedës ishte vet Osmani që tregoi me anë të një postimi në profilin e saj në Facebook.
“Një takim i planifikuar si protokollar me Presidentin Trump u shndërrua në një bisedë të gjatë dhe shumë përmbajtësore”.
“Faleminderit Presidentit Trump për interesimin e veçantë që tregoi rreth rolit të pazëvendësueshëm të Amerikës në Kosovë dhe në rajonin tonë, si dhe për angazhimin e tij të palodhshëm për paqe!”.
“Miqësia dhe aleanca me Shtetet e Bashkuara mbetet boshti i pathyeshëm. Kosova do të jetë gjithmonë në anën e demokracisë, lirisë dhe partneritetit me SHBA-të, sepse pikërisht aty rreh zemra e lirisë sonë”, ka shkruar Osmani.
