Veteranët e UÇK-së kundër Qeverisë, bojkotojnë festimet e 17-vjetorit të Pavarësisë

Kryesia e OVL UÇK-së, në një vendim të datës 13 shkurt 2025, ka arsyetuar këtë vendim me mungesën e gatishmërisë së Qeverisë për të bashkëpunuar me organizatën, duke i përjashtuar nga çdo formë financimi dhe mbështetjeje ligjore e institucionale.

Sipas OVL UÇK-së, Qeveria aktuale ka shkelur të drejtat e tyre, duke i lënçuar, ofenduar, përjashtuar dhe persekutuar. Për këtë arsye, veteranët e luftës kanë vendosur që të organizohen nëpër degët e tyre në çdo komunë të Kosovës për të festuar dhe nderojë heronjtë, dëshmorët dhe sakrificën e UÇK-së në dy datat historike.

Kryesia e OVL UÇK-së ka bërë të ditur se do të organizohen në mënyrë të pavarur nga Qeveria, duke ftuar të gjithë veteranët dhe qytetarët e Kosovës që t’u bashkohen në këtë përpjekje për të ruajtur dhe përkujtuar trashëgiminë e luftës së UÇK-së.