Takimi me QUINT-in, zyra e kryeministrit jep detaje

Në takim, Kurti ka theksuar se sulmet e fundit, përfshirë edhe shpërthimin në kanalin e ujit, kanë pasur për qëllim dëmtimin e infrastrukturës kritike të vendit, duke rrezikuar furnizimin me energji elektrike dhe ujë për një pjesë të madhe të popullsisë. Kryeministri ka krahasuar këto sulme me ato që po ndodhin në Ukrainë, duke theksuar se ekzistojnë indikacione se pas tyre qëndrojnë grupe të organizuara dhe të mbështetura nga Serbia.

Policia ka arrestuar të dyshuar

Kurti ka informuar diplomatët e pranishëm se Policia e Kosovës po zhvillon hetime intensive dhe ka arrestuar disa persona të dyshuar për përfshirje në sulm. Gjithashtu, janë gjetur prova materiale, si armë, eksplozivë dhe uniforma ushtarake ruse, që lidhin këta individë me sulmin.

Akuza direkte ndaj Serbisë dhe Millan Radoiçiqit

Kryeministri ka akuzuar drejtpërdrejt Serbinë dhe kryekriminelin Millan Radoiçiq për organizimin dhe planifikimin e këtyre sulmeve. Sipas Kurtit, Serbia po mbështet këto grupe terroriste me armë, financa dhe logjistikë, me qëllim destabilizimin e situatës në Kosovë.

Kërkesë për ekstradim të Radoiçiqit

Kurti ka theksuar rëndësinë e ekstradimit të Millan Radoiçiqit nga Serbia, duke e cilësuar atë si një kërcënim të drejtpërdrejtë për sigurinë e Kosovës.

Falënderimi për mbështetjen ndërkombëtare

Në fund të takimit, Kryeministri Kurti ka falënderuar të gjithë partnerët ndërkombëtarë për mbështetjen e tyre ndaj Kosovës në këto momente të vështira.