Sveçla: Kampionati i Paraglidingut në Ujman promovon potencialin turistik dhe sportiv të Kosovës
Për tri ditë me radhë, në Liqenin e Ujmanit është mbajtur edicioni i 15-të i Kampionatit Kombëtar Shqiptar të Paraglidingut, ku sportistë nga Kosova dhe Shqipëria garuan në disiplinën e sporteve ajrore mbi një nga zonat më atraktive të vendit.
Foto: Ilustrim
Ministri në detyrë i Punëve të Brendshme, Xhelal Sveçla, bëri të ditur se në ceremoninë përmbyllëse, së bashku me Zëvendësministren e Kulturës, Rinisë dhe Sportit, Daulina Osmani, ndanë çmimet për garuesit dhe i përgëzuan ata për përkushtimin dhe profesionalizmin e treguar gjatë kampionatit.
Sipas Sveçlës, ky aktivitet jo vetëm që promovon sportin e aventurës dhe jetën aktive, por gjithashtu vë në pah potencialin e jashtëzakonshëm turistik dhe sportiv të Kosovës. Ai theksoi se institucionet do të vazhdojnë të mbështesin ngjarje të tilla, të cilat bashkojnë sportistët, promovojnë bukuritë natyrore të vendit dhe forcojnë imazhin e Kosovës si një destinacion i rëndësishëm për sportet ajrore dhe turizmin sportiv.
