DKA-Suharekë njofton se është shtyer afati i testit me shkrim për 6 vende të lira pune në disa shkolla të komunës

Drejtoria Komunale e Arsimit në Suharekë ka publikuar listën e ngushtë me emrat e kandidatëve për 6 vende të lira të punës në disa shkolla të Komunës së Suharekës.

DKA-Suharekë ka njoftuar se komisioni përzgjedhës për zhvillimin e procedurave për themelimin e marrëdhënies së punës në bazë të kushteve dhe kritereve të përcaktuara sipas konkursit 05. Nr. 1203 të datës 21.12.2022 ka përpiluar listën e ngushtë të kandidatëve për 6 pozita të lira pune, si mësimdhënës në shkollat si: “7 Marsi” në Suharekë, “Dëshmorër e Greikocit” në Greikoc, “Bajram Curri” në Nishor, “Ramë Bllaca” në Bllacë dhe “17 Shkurti” në Shirokë, raporon SuharekaOnline.

Duke iu referuar listës së ngushtë, figuron se për 6 pozita të lira pune për zëvëndësimin e mësimdhënësve në shkollat e lartëshënuara, kanë aplikuar 47 kandidatë.

Lidhur me këtë konkurs, DKA-Suharekë ka njoftuar se testi me shkrim i cili ishte planifikuar të mbahet me datë 20.01.2023 është shtyer për datën 24.01.2023.

Në njoftim thuhet se testi me shkrim do të mbahet me 24 janar 2023, në ora 10:00 në sallën e Kuvendit të Komunës së Suharekës.