Sot shënohet Dita e Veteranit të UÇK-së

Sot me datë 30 dhjetor, shënohet dita e veteranit të luftës.

Kjo ditë përkujton sakrificën, angazhimin dhe kontributin e veteranëve për sjelljen e lirisë dhe pavarësisë për popullin e Kosovës.

Po ashtu, kjo ditë kujton betejën e parë të familjes së komandantit legjendar Adem Jashari në Prekaz, më 30 dhjetor 1991, aty ku edhe nisi rruga e lirisë.

Në këtë ditë kujtohen deri në përjetësi të gjitha vatrat e luftës, që i rezistuan makinerisë ushtarake serbe duke mos u përkulur deri në fitore.

Rikujtojmë se në Kosovë janë rreth 36.802 persona të cilët përfitojnë nga skema e pensioneve për veteranët e luftës, prej tyre 1.628 janë në Komunën e Suharekës.