Sondazh nga Pyper: 88.33% e njerëzve e konsiderojnë dhunën ndaj grave ‘aspak të pranueshme’ në Kosovë
Në Kosovë, dhuna ndaj grave është një problem i pranishëm në shoqëri që një kohë të gjatë. Sipas një sondazhi të realizuar nga Pyper, 40% e njerëzve besojnë se dhuna fizike është lloji i dhunës më i pranishëm ndaj grave, ndërsa 60% besojnë se dhuna psikologjike është më e pranishme. Gjithashtu, 88.33% e njerëzve e […]
Foto: Ilustrim
Në Kosovë, dhuna ndaj grave është një problem i pranishëm në shoqëri që një kohë të gjatë. Sipas një sondazhi të realizuar nga Pyper, 40% e njerëzve besojnë se dhuna fizike është lloji i dhunës më i pranishëm ndaj grave, ndërsa 60% besojnë se dhuna psikologjike është më e pranishme.
Gjithashtu, 88.33% e njerëzve e konsiderojnë dhunën ndaj grave si “aspak të pranueshme”. 8.33% besojnë se dhuna ndaj grave është “deri diku të pranueshme” dhe 3.33% besojnë se dhuna ndaj grave është “shumë e pranueshme”. Këto shifra tregojnë se me gjithë qëndrimin e fortë kundër dhunës ndaj grave, një pjesë e shoqërisë ende e pranon atë.
Të pyetur se a njohin ndonjë person që ushtron dhunë, 25.24% e njerëzve u përgjigjën se njohin ndonjë person që ushtron dhuna ndaj gruas së vet, 63.10% nuk njohin dhe 11.67% refuzuan të përgjigjen.
Përfundimisht, 81.67% e njerëzve do ta raportonin dhunën ndaj gruas nëse do të dinin ndonjë rast, ndërsa 18.33% nuk do ta raportonin. Të pyetur se pse nuk do ta raportonin dhunën, të anketuarit u përgjigjën si në vijim:
39.0% -Nuk kam besim te organet e rendit (policia, gjykata etj.)
31.2%- Nuk dua të përfshihem në procedura hetimore nga Policia (për dhënie të deklaratës etj.
28.6% -Frikësohem për sigurinë time pasi fajtori të dal nga paraburgimi
23.4% -Frikësohem mos hyj në probleme me atë familje
18.2% -Nuk e shoh si përgjegjësi timen përderisa nuk është në familjen time
14.3% -Frikësohem se nuk do të më besojnë organet e rendit dhe rrethi shoqëror
10.4% -Tjetër
Në përgjithësi, të dhënat tregojnë një përqendrim të fortë tek lufta kundër dhunës ndaj grave në Kosovë. Edhe nëse ka një përqindje të vogël të personave që e konsiderojnë këtë lloj dhunë të pranueshme, besimi i madh në raportimin e saj dhe në luftën kundër saj tregon një hap të rëndësishëm në drejtim të një shoqërie më të barabartë dhe më të drejtë.
Hulumtimi në fjalë është realizuar përmes një mostre jo të rastësishme me respondentë të Pyper nga anembanë Kosova./Telegrafi/
