Shpërthen një bombolë gazi në Veternik: Dy të lënduar, njëri në gjendje të rëndë
13.12.2024
Një bombol gazi ka shpërthyer në një autolarje pranë një pompe derivateve në Veternik, Prishtinë. Si pasojë e këtij incidenti, dy persona kanë pësuar lëndime trupore, njëri prej të cilëve raportohet të jetë në gjendje më të rëndë.
Sipas të dhënave fillestare, njëri nga të lënduarit është identifikuar si punëtor i autolarjes, bazuar në uniformën që mbante veshur. Ndërsa, për personin tjetër të lënduar, ende nuk është konfirmuar nëse ishte punëtor në autolarje apo ndodhej aty rastësisht.
Në vendin e ngjarjes kanë arritur njësitet e Policisë së Kosovës, të cilat kanë nisur hetimet për të përcaktuar shkaqet e shpërthimit. Ndërkohë, të lënduarit janë transportuar me urgjencë në Klinikën Emergjente për të marrë ndihmë mjekësore.