Shkurtohen ditët e karantinimit nga 14 në 10 për personat me COVID-19

Ndërkaq atyre që testi i del dy herë negativ, koha e izolimit u shkurtohet në shtatë ditë. Sipas IKShPK-së këta persona në ditën e gjashtë ose të shtatë mund të bëjnë testin për të parë nëse nuk rezultojnë pozitivë.

Personat të cilët kanë kontakt me dikë të infektuar, sipas IKShPK-së nuk kanë nevojë të karantinohen nëse i përkasin moshës mbi 18 vjeç dhe janë vaksinuar me tri doza dhe as ata që janë të moshës 12-17 vjeç e që janë të imunizuar me dy doza.

Edhe ata persona që janë testuar pozitivë më shumë se 90 ditë më parë dhe janë të vaksinuar me të dy dozat, nuk kanë nevojë për karantinim. Në këtë grup hyjnë edhe ata që brenda 90 ditëve të fundit kanë kaluar COVID-in edhe nëse nuk janë të vaksinuar me asnjë dozë.