Sa kanë pasuri Osmani dhe Kurti? Dyshja deklaron pasurinë e tyre në APK
Dy udhëheqësit e shtetit, presidentja Vjosa Osmani dhe kryeministri Albin Kurti kanë deklaruar pasurinë e tyre në Agjencinë për Parandalimin e Korrupsionit.
Foto: Ilustrim
Te pasuria e paluajtshme, Osmani ka deklaruar se gëzon disa prona të cilat janë në pronësi të presidentes dhe bashkëshortit të tij, ata gëzojnë një banesë, garazh, shtëpi, tokë.
Osmani po ashtu ka të deklaruar edhe një veturë, vlera e të cilës arrin 10 mijë euro.
Presidentja ka deklaruar edhe paratë që i ka në institucione financiare. Ajo ka para të gatshme në disa banka, shuma e tyre mbi 1 mijë euro.
Deklarimin e plotë të pasurisë së presidentes, mund ta gjeni duke klikuar KËTU.
Pasurinë e ka deklaruar edhe kryeministri i vendit, Albin Kurti.
Kurti ka deklaruar se ka një banesë, vlera e të cilës arrin 400 mijë euro.
Kryeministri i vendit, ka bërë të ditur se ka 1 mijë e 500 euro të gatshme në institucione financiare. Gjithashtu, Kurti ka deklaruar se edhe bashkëshortja e tij ka 2.500 euro në një bankë.
Pasurinë e deklaruar nga kryeministri Kurti mund ta gjeni KËTU.
Edhe zyrtarët tjerë tashmë kanë deklaruar pasurinë e tyre në këtë agjencion.
