Rriten pritjet në pikat kufitare të Kosovës – 2 orë pritje në Jarinje dhe 1 orë në Merdarë
Me afrimin e festave të fundvitit, diaspora ka nisur rikthimin në Kosovë, duke shkaktuar rritje të ndjeshme të fluksit dhe pritjeve në pikat kufitare.
Sipas statistikave të Qendrës Kombëtare për Menaxhim Kufitar, situata më e ngarkuar aktualisht paraqitet në pikëkalimin kufitar në Merdarë, ku pritjet për hyrje në Kosovë arrijnë deri në 1 orë, ndërsa për dalje nga vendi qytetarët presin deri në 40 minuta.
Pritjet më të gjata regjistrohen në pikëkalimin Jarinje, ku mërgimtarët për të hyrë në Kosovë duhet të presin deri në 2 orë, ndërsa për dalje nga Kosova pritjet janë dukshëm më të shkurtra, nga 10 deri në 15 minuta.
Ngarkesë dhe kolona janë evidentuar edhe në pikëkalimin Dheu i Bardhë, ku pritjet për hyrje në Kosovë shkojnë deri në 50 minuta.
Institucionet përgjegjëse u bëjnë thirrje qytetarëve që të informohen rregullisht për gjendjen në pikat kufitare dhe, nëse është e mundur, të shfrytëzojnë pikëkalime alternative për të shmangur pritjet e gjata. Fluksi i shtuar pritet të vazhdojë edhe në ditët në vijim, për shkak të ardhjes së mërgimtarëve për pushimet e fundvitit.
| Pikat e kalimit kufitar | Automjete | Kamionë | ||||||
|---|---|---|---|---|---|---|---|---|
| Hyrje (min) | Dalje (min) | Kolona (m) Hyrje | Kolona (m) Dalje | Hyrje (min) | Dalje (min) | Kolona (m) Hyrje | Kolona (m) Dalje | |
| Bërnjak | 05-10 | 03-05 | 0 | 0 | 03-05 | 03-05 | 0 | 0 |
| Dheu i Bardhë | 50 | 00 | 300 | 0 | 03-05 | 03-05 | 0 | 0 |
| Glloboqicë | 05 | 05 | 0 | 0 | 03-05 | 03-05 | 0 | 0 |
| Hani i Elezit | 05 | 05 | 0 | 0 | 03-05 | 03-05 | 0 | 0 |
| Jarinje | 120 | 10-15 | 1000 | 100 | 03-05 | 03-05 | 0 | 0 |
| Kullë | 03-05 | 03-05 | 0 | 0 | 03-05 | 03-05 | 0 | 0 |
| Merdarë | 60 | 40 | 400 | 200 | 03-05 | 03-05 | 0 | 0 |
| Muçibabë | 05 | 05 | 0 | 0 | 03-05 | 03-05 | 0 | 0 |
| Mutivodë | 15 | 03-05 | 0 | 0 | 03-05 | 03-05 | 0 | 0 |
| Qafë e Morinës | 01-03 | 01-03 | 0 | 0 | 03-05 | 03-05 | 0 | 0 |
| Qafë e Prushit | 01-02 | 01-02 | 0 | 0 | 03-05 | 03-05 | 0 | 0 |
| Stançiq | 05 | 05 | 0 | 0 | 03-05 | 03-05 | 0 | 0 |
| Vërmicë | 03-05 | 03-05 | 0 | 0 | 03-05 | 03-05 | 0 | 0 |