Putin shpall armëpushim 72-orësh në Ukrainë për 80-vjetorin e Luftës së Dytë Botërore
Presidenti rus, Vladimir Putin, ka njoftuar një armëpushim të përkohshëm në Ukrainë me rastin e 80-vjetorit të përfundimit të Luftës së Dytë Botërore, duke i bërë thirrje Kievit që të ndërmarrë të njëjtin veprim.
Sipas raportimeve të Daily Mail, Moska ka deklaruar se armëpushimi 72-orësh do të hyjë në fuqi nga fillimi i datës 8 maj dhe do të zgjasë deri në fund të datës 10 maj. Rusia ka kërkuar që Ukraina të bashkohet me këtë nismë, duke shpresuar për një periudhë paqeje gjatë këtyre ditëve të shënuara.
“Rusia beson se pala ukrainase duhet të ndjekë këtë shembull”, ka deklaruar Kremlini në një njoftim zyrtar.
Megjithatë, Rusia ka paralajmëruar se në rast të shkeljeve të armëpushimit nga pala ukrainase, forcat e saj të armatosura do të japin një “përgjigje adekuate dhe efektive”. Kjo paralajmërim tregon se Rusia është e gatshme të mbrojë pozicionet e saj në rast të ndonjë sulmi nga Ukraina.
