Pritjet në kufi për të hyrë në Kosovë: Rreth 15 minuta në Merdarë dhe deri 2 orë te Dheu i Bardhë
22.12.2024
Qendra Kombëtare për Menaxhim Kufitar (QKMK) ka raportuar për pritje në pikat kufitare hyrëse të Kosovës edhe gjatë ditës së sotme.
Situata më e ngarkuar po regjistrohet në pikën kufitare të Dheu i Bardhë.
Sipas të dhënave të fundit zyrtare, për të hyrë në Kosovë:
Në pikën kufitare të Dheu i Bardhë, pritjet janë deri në 2 orë, ndërsa gjatësia e kolonës arrin deri në 1200 metra.
Në pikën kufitare të Merdarës, pritjet variojnë nga 10 deri në 15 minuta.
