Osmani: Mbështetja e Biden për Kosovën, testament i rrënjosur thellë në marrëdhëniet tona
19.02.2024
Presidentja Vjosa Osmani dhe ambasadori i SHBA-së në Kosovë, Jeffrey Hovenier kanë marrë pjesë në shënimin e Ditës së Presidentit Amerikan, në sheshin “Bill Clinton” në Prishtinë.
Foto: Ilustrim
Osmani foli se si Clinton ishte bërë zë i Kosovës në kohën kur dhuna ndaj kosovarëve “kishte arritur në shkallën e gjenocidit”.
Nga afër shtatores së Clintonit, Osmani tha se angazhimi i presidentit aktual të SHBA-së, Joe Biden për Kosovën ka nisur që herët dhe se ai ka dëshmuar se është mik i madh i Kosovës dhe popullit të saj.
“Mbështetja e presidentit Biden është testament i vërtetë, i rrënjosur thellë në marrëdhëniet tona”, tha Osmani.
Kjo ditë u shënua me iniciativë të Shoqatës Historike të Shtëpisë së Bardhë dhe ambasadorit Hovenier.
