Komisioni Evropian i dhuron Kosovës edhe 50 milionë euro për ‘luftën’ ndaj pandemisë e për rimëkëmbje ekonomike
Komisioni Evropian i ka dhuruar Kosovës edhe 50 milionë euro për menaxhimin e pasojave të pandemisë COVID-19. Këtë e ka konfirmuar edhe Ministri i Financave, Punës dhe Transfereve, Hekuran Murati. Murati ka theksuar se kjo është bërë në kuadër të marrëveshjes së huamarrjes për Asistencë Mikro-Financiare. Murati thotë se këto mjete financiare do të ndihmojnë […]
Komisioni Evropian i ka dhuruar Kosovës edhe 50 milionë euro për menaxhimin e pasojave të pandemisë COVID-19.
Këtë e ka konfirmuar edhe Ministri i Financave, Punës dhe Transfereve, Hekuran Murati.
Murati ka theksuar se kjo është bërë në kuadër të marrëveshjes së huamarrjes për Asistencë Mikro-Financiare.
Murati thotë se këto mjete financiare do të ndihmojnë në luftimin e pandemisë dhe rimëkëmbjen ekonomike të shpejtë e të qëndrueshme.
“Këto mjete do të na ndihmojnë në luftën ndaj pandemisë dhe për një rimëkëmbje ekonomike të shpejtë e të qëndrueshme”, ka shkruar Murati.
Njoftimi i plotë:
Pas plotësimit të të gjitha parakushteve, sot kemi pranuar transhin e dytë prej 50 milionë eurove nga Komisioni Evropian, në kuadër të marrëveshjes së huamarrjes për Asistencë Makro-Financiare.
Këto mjete do të na ndihmojnë në luftën ndaj pandemisë dhe për një rimëkëmbje ekonomike të shpejtë e të qëndrueshme.