KEDS: Do të ketë ndërprerje të energjisë elektrike në disa rajone, shkak era

Sigurimi Internacional

Ofertë speciale

Kompania Kosovare për Distribuim me Energji Elektrike (KEDS) ka bërë të ditur se për shkak të erërave të forta që kanë përfshirë disa rajone të Kosovës do të ketë ndërprerje të energjisë elektrike.

Për shkak të erërave të forta që kanë përfshirë disa rajone të Kosovës, disa dalje janë jashtë funksionit.

Përmes një njoftimi për media thuhet se rajonet më të prekura momentalisht janë Gjakova, Malisheva dhe Peja, ndërkaq, sipas parashikimeve, pritet që mot i lig të mbretërojë edhe në rajonet e tjera të Kosovës.

Ekipet e KEDS-it janë mobilizuar në terren në mënyrë që dëmet e shkaktuara të evitohen sa më parë dhe konsumatorëve tanë t’u kthehet furnizimi i rregullt me energji elektrike, për çka kërkojmë mirëkuptimin e tyre.