Kalaja e Prizrenit mbyllet përkohësisht në disa zona për arsye sigurie

Sipas vendimit, zonat e konsideruara të pasigurta do të kufizohen dhe do të shënohen qartë deri në një njoftim të ri.

Gjithashtu, pezullohet menjëherë përdorimi i hapësirave të kalasë për aktivitete kulturore, artistike dhe organizative.

Autoritetet theksojnë se masa është e domosdoshme për mbrojtjen e vizitorëve dhe ruajtjen e një prej monumenteve më të rëndësishme të trashëgimisë kulturore në vend.

Publiku do të informohet me kohë për zhvillimet dhe rihapjen e mundshme të zonave të mbyllura.