Infektologu Ramadani: Numri i të infektuarve me COVID-19 mund të rritet gjatë ditëve në vijim
Ditëve të fundit në Kosovë është vërejtur rritje e numrit të të infektuarve me Covid-19. Shkas për këtë mund të jetë mos respektimi i masave anti-covid-19 gjatë fushatës zgjedhore nga ana e partive politike. Infektologu Hamdi Ramadani, tha se numri i personave të infektuarve mund të rritet gjatë ditëve në vijim. “Është shumë e sigurt […]
Foto: Members of the University Clinical Center of Kosovo in protective gear walk past a sign reading "Ambulance For Coronavirus" at the University Clinical Center of Kosovo in Pristina on March 14, 2020. - Kosovo reported its first coronavirus (COVID-19) case on March 13, 2020, in a 22-year-old Italian woman and a 77-year-old Kosovar man, both recently returned from Italy. (Photo by Armend NIMANI / AFP)
Ditëve të fundit në Kosovë është vërejtur rritje e numrit të të infektuarve me Covid-19. Shkas për këtë mund të jetë mos respektimi i masave anti-covid-19 gjatë fushatës zgjedhore nga ana e partive politike.
Infektologu Hamdi Ramadani, tha se numri i personave të infektuarve mund të rritet gjatë ditëve në vijim.
“Është shumë e sigurt se edhe kjo vala e tubimeve të ditëve të kaluara është faktor stimulues që ka bërë që numri i të sëmurëve me Covid-19 të ketë rritje vazhdimisht”, tha Ramadani për RTV21.
Përfaqësuesi i Shoqatës për të Drejtave të Pacientëve Besim Kodra, thotë se për mos respektimin e masave nga ana e partive politike që ndikoi në rritjen e numrit të të infektuarve, përgjegjës janë institucionet publike të shtetit.
“Kjo do tu bjerë përgjegjësi institucioneve publike. Shteti e ka humb seriozitetin në luftimin e pandemisë për shkak të fushatave të shfrenuara të partive politike. Kjo nuk mund t’i bind më qytetarët për t’i respektuar vendimet”, theksoi ai.
Numri total i rasteve pozitive në pesë ditët e fundit në Kosovës është 1575 raste ndërsa të shëruar 1704 përderisa numri i vdekjeve është 17.
