Hasani: Kuvendi i Kosovës nuk është bllokuar, mosvotimi i mandateve, gabim i opozitës
Ish-kryetari i Gjykatës Kushtetuese të Kosovës, profesori aktual i së Drejtës dhe Marrëdhënieve Ndërkombëtare në Universitetin e Prishtinës, Enver Hasani, ka deklaruar se Kuvendi i Kosovës nuk ndodhet në bllokadë dhe mund të mblidhet çdo 48 orë, pavarësisht dështimit të deputetëve për të konstituuar institucionin në seancën e fundit.
Në një intervistë për Radion Evropa e Lirë, profesori Hasani e ka cilësuar si gabim veprimin e Partisë Demokratike të Kosovës (PDK), Lidhjes Demokratike të Kosovës (LDK) dhe Aleancës për Ardhmërinë e Kosovës (AAK) për të mos votuar raportin e Komisionit për verifikimin e mandateve.
Si pasojë e mosmiratimit të këtij raporti, seanca e së martës e thirrur për konstituimin e Kuvendit u ndërpre. Kryesuesi i seancës njoftoi se do t’i drejtohet Presidentes së Kosovës, Vjosa Osmani, për të marrë udhëzime mbi hapat e ardhshëm.
Partitë opozitare kanë ngritur dyshime lidhur me dorëheqjen e paraqitur nga ish-kryeministri Albin Kurti dhe anëtarët e tjerë të Qeverisë, të cilët janë zgjedhur deputetë në legjislaturën e re. Megjithatë, profesori Hasani ka theksuar se me betimin e tyre si deputetë, ata nuk do të mund të ushtronin asnjë funksion ekzekutiv.
Etiketat
Policia intensifikon masat, gjoba për mosrespektim të këmbësorëve dhe shkelje të tjera përmes kamerave
Lajme para 6 ore
Kosova pritet të ketë rritjen ekonomike më të lartë në Evropë në vitin 2025, sipas FMN-së
Lajme para 6 ore
BE: Formimi i shpejtë i institucioneve në Kosovë, kyç për reformat dhe Planin e Rritjes
Lajme para 7 ore
