Fillon takimi trepalësh në Bruksel
04.04.2024
Ka nisur takimi trepalësh në Bruksel, ndërmjet kryenegociatorit të Kosovës, Besnik Bislimi dhe atij të Serbisë, Petar Petkoviq, me ndërmjetësimin e të dërguarit të BE-së, Miroslav Lajçak në përpjekje për të gjetur një zgjidhje për çështjen e dinarit serb.
Foto: Ilustrim
Takimi trepalësh ka nisur rreth orës 10:30.
Takimi i fundit lidhur me këtë çështje është mbajtur më 25 mars në Bruksel.
Kryenegociatori i Kosovës, Bislimi kishte shprehur nevojën për një takim shtesë për zgjidhjen e çështjes së dinarit serb.
Dy muaj më parë ka hyrë në fuqi rregullorja e re e Bankës Qendrore të Kosovës (BQK) për transaksionet me para të gatshme, ku thuhet se e vetmja valutë zyrtare është euro, duke përjashtuar kështu dinarin nga qarkullimi.
