Cilat janë dy shtetet e vetme që zyrtarisht njohin certifikatën digjitale të vaksinimit të Kosovës

Më 22 shtator, Ministria e Shëndetësisë në Kosovë ka lansuar certifikatën elektronike të vaksinës kundër COVID-19.

10.11.2021 / Lajme

Cilat janë dy shtetet e vetme që zyrtarisht njohin certifikatën digjitale të vaksinimit të Kosovës
Foto: Certifikata elektronike e vaksinimit / SuharekaOnline

Por cilat shtete njohin zyrtarisht certifikatat e vaksinimit që lëshohen nga vendi ynë?

Në një përgjigje për Indeksonline nga Ministria e Shëndetësisë thonë se, kanë marrë kanë marrë konfirmime zyrtare përmes notave verbale nga Mbretëria e Bashkuar dhe Turqia që e njohin certifikaten digjitale të vaksinimit të Kosovës.


Por, ata thonë se edhe ka edhe shtete të tjera që qytetarët e vaksinuar në Kosovë kanë hyrë pa probleme me certifikatë të vaksinimit të Kosovës.

Se cilat janë ato shtete, nuk kanë dhënë detaje.

Tutje, MSH bën të ditur se janë duke punuar për njohjen e certifikatës së Kosovës në Certifikatën e Gjelbër për vendet e Bashkimit Evropian.

“MSh ka aplikuar në Komisionin Evropian për njohjen e green certificate dhe ekspertët e KE dhe të Kosovës janë duke punuar rreth detajeve teknike për njohjen e green certfikate të Kosovës në vendet e BE-së”, thuhet në përgjigjen e tyre.

Procesi i vaksinimit është duke vazhduar. Prej fillimit të vaksinimit në të gjitha qytetet e Kosovës janë dhënë 1.587.467 doza të vaksinës.

Kurse deri më sot 744.671 qytetarë janë vaksinuar me dozën e dytë./Indeksonline/

Themele të sigurta të së ardhmes, N.T.P.SH “HALITI”, gjiganti i ndërtimit në Suharekë

Të investosh në të ardhmen është gjëja më e duhur që çdo person do duhej ta ketë parasysh në secilin...

Lexo më shumë
KOMENTE0

Leave a Reply

Your email address will not be published. Required fields are marked *