Agjencia e Statistikave të Kosovës ka publikuar Buletinin Tremujor për tremujorin e katërt (TM4) 2022.

Buletini tremujor (TM4 2022) është ndër botimet më të veçanta dhe gjithëpërfshirëse të Agjencisë së Statistikave të Kosovës. Në këtë publikim përmblidhen shumë të dhëna të rëndësishme statistikore, në seri të ndryshme kohore, që kanë të bëjnë me Kosovën.

Në këtë publikim ASK ka bërë të ditur numrin e fluturimeve dhe udhëtarëve në Aeroportin e Prishtinës, raporton SuharekaOnline.

Sipas të dhënave bëhet e ditur se gjatë vitit 2022 nga Aeroporti i Prishtinës janë realizuar gjithsej 9.950 fluturime, ndërsa numri i udhëtarëve që kanë hyrë dhe dalur nga ky aeroport gjatë vitit të kaluar është gjithsej 2.866.384.

Duke analizuar këto statistika figuron se numër më i madh i fluturimeve është realizuar gjatë muajit korrik ku janë regjistruar 1.287 fluturime dhe poashtu numë pothuajse i afër është regjistruar në muajin gusht (1.260) fluturime.

Ndërsa, numër më i vogël i fluturimeve është regjistruar në muajin maj, ku janë realizuar 507 fluturime.

Muaji/Viti	Fluturimet e realizuara	Udhëtarët hyrës	Udhëtarët dalës	Gjithsej udhëtarë
Janar/ 2022	773	69.680	124.433	194.113
Shkurt/2022	519	79.194	77.081	156.275
Mars/2022	644	97.523	97.070	194.593
Prill/2022	931	135.738	125.371	261.109
Maj/2022	507	71.015	63.941	134.956
Qershor/2022	928	139.782	120.374	260.156
Korrik/2022	1.287	221.375	143.266	364.641
Gusht/2022	1.260	148.768	221.985	370.753
Shtator/2022	876	110.274	142.752	253.026
Tetor/2022	769	119.264	124.339	243.603
Nënto/2022	639	91.544	106.497	198.041
Dhjetor/2022	817	134.042	101.076	235.118
TOTALI:	9.950	1.418.199	1.448.185	2.866.384