250 mjekë kosovarë sot vaksinohen në Kukës
Federata Sindikale e Shëndetësisë së Kosovës (FSSHK) ka njoftuar se sot në Kukës do të vaksinohen rreth 250 punëtorët e parë shëndetësor. Gjithashtu, FSSHK ka bërë të ditur se në ditët në vijim do të vazhdohet edhe me 250 të tjerë. FSSHK falenderon kryeministrin Rama, stafin e Ministrisë së Shëndetësisë të Republikës së Shqipërisë, si […]
Federata Sindikale e Shëndetësisë së Kosovës (FSSHK) ka njoftuar se sot në Kukës do të vaksinohen rreth 250 punëtorët e parë shëndetësor.
Gjithashtu, FSSHK ka bërë të ditur se në ditët në vijim do të vazhdohet edhe me 250 të tjerë.
FSSHK falenderon kryeministrin Rama, stafin e Ministrisë së Shëndetësisë të Republikës së Shqipërisë, si dhe Ambasadorin e Kosovës në Shqipëri, Nait Hasani për angazhimin e pashoq.
Njoftimi i plotë:
Njoftojmë opinionin e gjerë e sidomos punëtorët shëndetësor se ashtu siq kemi paralajmëruar është arritur marrëveshja për vaksinimin e punëtorëve shëndetësor të Kosovës në Kukës.
Nesër do të vaksinohen rreth 250 punëtorët e parë ndërsa në ditët në vijim do të vazhdohet edhe me 250 të tjerë.
Delegacioni i FSSHK-së i përbërë nga Kryetari Dr. Blerim Syla dhe Dr. Islam Krasniqi në prani të Ambasadorit të Kosovës në Shqipëri Zt. Nait Hasani sot kanë zhvilluar takim me Ministrinë e Shëndetësisë të Republikës së Shqipërisë dhe janë dakorduar për qështjet teknike të vaksinimit të punëtorëve shëndetësor të Kosovës.
Në fund edhe njëherë FSSHK falenderon Kryeministrin Rama,stafin e Ministrisë së Shëndetësisë të Republikës së Shqipërisë si dhe Ambasadorin e Kosovës në Shqipëri Zt. Nait Hasani për angazhimin e pashoq.