Në fundjavë do të zhvillohet xhiroja e 24-të e Superligës së Kosovës në basketboll.

Kjo xhiro do të sjellë shumë ndeshje interesante. Ndeshja e parë do të zhvillohet mes Bashkimit dhe Ponte Prizrenit, një takim interesant ku përballë njëra-tjetrës do të jenë dy skuadrat e Prizrenit. Ndeshjet mes këtyre dy skuadrave kanë qenë gjithmonë interesante dhe kështu pritet të jetë edhe të shtunën. Bashkimi ka 12 fitore dhe tetë humbje, kurse Ponte Prizreni 13 fitore dhe tetë humbje.

Përballja tjetër e së shtunës do të zhvillohet ndërmjet Trepçës dhe Pejës, dy skuadrave me traditë në basketbollin e Kosovës. Mitrovicasit kanë katër fitore dhe 16 humbje, derisa pejanët 12 fitore dhe tetë humbje.

Ndeshja më interesante e kësaj jave do të zhvillohet ndërmjet Golden Eagle Yllit dhe Rahovecit. Takimet në vitet e fundit mes këtyre skuadrave kanë qenë shumë interesante dhe dramatike. Ylli ndodhet në vendin e tretë me 34 pikë (14 fitore dhe gjashtë humbje), ndërsa Rahoveci është lider me 37 pikë (16 fitore dhe pesë humbje).

Derbi mes Yllit e Rahovecit do të zhvillohet të dielën me fillim prej orës 17:00 në palestrën “13 Qershori” më Suharekë.

Takimi i fundit do të zhvillohet ndërmjet Lipjanit dhe Sigal Prishtinës. Lipjanasit kanë një fitore dhe 20 humbje, kurse prishtinasit kanë 15 fitore dhe pesë humbje. Feronikeli pushon në këtë xhiro.

Superliga – Java 24

E shtunë
17:00 Bashkimi – Ponte Prizreni
19:00 Trepça – Peja
E diel
17:00 Golden Eagle Ylli – Rahoveci
19:00 Lipjani – Sigal Prishtina
Feronikeli pushon