Kosovari 47-vjeçar vetdorëzohet në Gjermani, dyshohet për vrasjen e partneres në Oberhausen

Sipas informacioneve të deritanishme, trupi i pajetë i gruas u zbulua në banesën e saj më 11 prill. Gjetjet në vendin e ngjarjes sugjeruan menjëherë një vdekje të dhunshme, duke nxitur autoritetet të nisin një hetim për vrasje nën drejtimin e zyrës së prokurorit publik të Duisburgut.

Hetimet e mëtejshme konfirmuan dyshimet fillestare, duke zbuluar se 32-vjeçarja kishte humbur jetën si pasojë e dhunës. Fokus i hetimeve u bë shpejt partneri i saj, 47-vjeçari me origjinë nga Oberhauseni, i cili ishte shpallur në kërkim që nga e shtuna.

Pas disa ditësh në arrati, i dyshuari u dorëzua vetë në policinë e Kehlit, një qytet në jugperëndim të Gjermanisë.

Burri të dalë para një gjyqtari me kërkesë të prokurorisë publike të Duisburgut, ku do të shqyrtohet masa e sigurisë ndaj tij.

Autoritetet gjermane kanë theksuar se hetimet në lidhje me sfondin e plotë dhe rrethanat që çuan në këtë ngjarje tragjike janë ende në vazhdim dhe nuk kanë përfunduar. Detaje të tjera pritet të dalin në dritë pas seancave gjyqësore dhe zhvillimeve të mëtejshme hetimore.