Gjermani, shoferi kosovar po drejtonte veturën nën ndikimin e morfinës, gjobitet nga policia

Incidenti ndodhi të hënën pasdite në autostradën A8, në drejtim të Mynihut.

Disa përdorues të rrugës raportuan për një automjet që po lëvizte në mënyrë të pasigurt. Një patrullë policie e ndaloi automjetin në kryqëzimin Burgau, ku shoferi 36-vjeçar nga Kosova filloi të sillej në mënyrë të dyshimtë. Pas testit të drogës, rezultoi se ai ishte nën ndikimin e morfinës.

Përveç kësaj, fëmija i tij katër vjeçar ishte i shtrirë i pasiguruar në sediljen e pasme. Policia ka urdhëruar marrjen e mostrës së gjakut për të konfirmuar dyshimin për ndikimin e drogës. Për shkak të drejtimit të mjetit nën ndikimin e drogës dhe mos sigurimit të fëmijës, u vendos një depozitë sigurie.

Gruaja e shoferit, e cila gjithashtu ndodhej në automjet, u lejua të vazhdonte udhëtimin pasi ishte e aftë për të drejtuar automjetin.