Tragjedi në Gjermani: Tre mërgimtarë nga Komogllava e Ferizajt humbin jetën në aksident trafiku

Sipas njoftimeve të publikuara nga familjarë dhe bashkëvendës në rrjetet sociale, viktimat janë T.A., G.A. dhe L.A., të gjithë nga fshati Komogllavë i Ferizajt.

Në njoftimet e familjarëve thuhet se aksidenti ka ndodhur gjatë rrugës së kthimit për në Gjermani, ndërsa janë shprehur ngushëllime për familjet e viktimave dhe gjithë komunitetin e Komogllavës.

Deri më tani, autoritetet gjermane nuk kanë publikuar informacione zyrtare lidhur me rrethanat e aksidentit apo shkaqet që çuan në këtë ngjarje tragjike.

Ngjarja ka pikëlluar familjarët, miqtë dhe bashkëvendësit e viktimave, të cilët kanë shprehur dhimbjen e tyre për humbjen e tre mërgimtarëve.