Gjermani, arrestohet 59-vjeçari shqiptar në Aeroportin e Dortmundit i dënuar për grabitje të rëndë
Një burrë 59-vjeçar, shtetas i Shqipërisë, është arrestuar nga policia federale gjermane në Aeroportin e Dortmundit.
Arrestimi ndodhi mëngjesin e së martës, më 16 shtator, rreth orës 07:45, pasi gjatë kontrollit të dokumenteve të udhëtimit u zbulua se ndaj tij ekzistonte një urdhër-arrest, raporton urgjent.com.
Burri kishte paraqitur pasaportën e tij për të udhëtuar me një fluturim drejt Tiranës, por oficerët e policisë federale zbuluan se ai ishte i kërkuar nga zyra e prokurorit publik të Mönchengladbach. Sipas të dhënave zyrtare, Gjykata Rajonale e Mönchengladbach e kishte dënuar 59-vjeçarin në vitin 2015 me katër vjet e gjashtë muaj burgim për grabitje veçanërisht të rënduar.
Edhe pse një pjesë të dënimit e kishte vuajtur, ai kishte ende 525 ditë të mbetur për të kryer. Meqë nuk kishte një vendbanim të përhershëm në Gjermani, policia e arrestoi menjëherë dhe e dërgoi në një institucion korrektues për të vijuar vuajtjen e dënimit.
