Gjermanët po përgatiten për luftë: “Ftojmë qytetarët të kthejnë bodrumet e tyre në bunkerë”

Gjermania do të bëjë një listë të të gjithë bunkerëve ku civilët do të mund të fshihen në rast të një lufte të re.

Ky njoftim i Ministrisë së Brendshme erdhi në momentin e përshkallëzimit të luftës në Ukrainë, pasi SHBA, Britania e Madhe dhe Franca i lejuan Ukrainës të synonte objektivat në Rusi me raketa perëndimore, shkruan The Guardian .

Në listë do të përfshihen edhe stacione hekurudhore nëntokësore, parkingje nëntokësore, ndërtesa shtetërore dhe prona private – tha zëdhënësi i MPB-së.

Ministria tha se do të përpilojë një listë dixhitale të bunkerëve dhe strehimoreve emergjente që qytetarët gjermanë do të mund të gjejnë në një aplikacion telefoni. 

I ftojmë njerëzit të kthejnë garazhet dhe bodrumet e tyre në strehimore funksionale – tha zëdhënësi në konferencën për shtyp dhe shtoi se për momentin nuk e di se kur do të përfundojë lista e strehimoreve dhe bunkerëve.