Pse nuk u ndërtua fabrika për përpunimin e drurit në Shirokë të Suharekës?

Se kush mund t’i marrë në shfrytëzim pronat komunale dhe për sa gjatë mund të shfrytëzohen ato, janë çështje të rregulluara me ligj. Përzgjedhja e shfrytëzueseve të këtyre parcelave të tokës, kalon përmes asamblistëve të komunës, të cilët edhe ligji i njeh si pronar legjitim për këto vendime.

Më pas, kontratat e nënshkruara në mes të komunës dhe personave fizik ose juridik që janë përzgjedhur për t’i shfrytëzuar këto toka të komunës, kanë afate ligjore për kryerjen e obligimeve.

Fjala e fundit e teknologjisë zbarkon në Fabrikën e Mobileve “TE NASERI”

Nëse këto kushte për dhënie në shfrytëzim të parcelës së tokës dhe zbatim të kontratës, nuk përmbushen, përbën shkelje ligjore.

Por, kush e shkeli ligjin në Komunën e Suharekës?

Në vitin 2015, Komuna e Suharekës ka vendosur që t’i japë në shfrytëzim dy parcela të tokës në Zonën Industriale në Shirokë, kompanisë “Tirolspan” SH.P.K për 99 vjet.

Procesi ka kaluar përmes Asamblesë Komunale, ku në seancën e datës 30 janar të atij viti ishte vendosur që “Tirolspan” dhe disa kompanive të tjera t’ua jepnin në shfrytëzim, me qira, tokat e komunës.

Kontrata u nënshkrua një muaj më vonë, më 20 shkurt.

“Tirolspan” sh.p.k me pronarë Armend Kuçin me 10% të aksioneve dhe italianin Ricciar Stella me 90% të aksioneve, e regjistruar në ARBK në dhjetor të vitit 2014, një muaj para se të fitonte të drejtën për të shfrytëzuar parcelat e komunës me qera, kishte premtuar se do të ndërtonin një fabrikë për “Përpunimin e prodhimeve të tekstilit dhe të lëkurës”.

Por, Kuçi ka treguar se aty kishin planifikuar të ndërtonin një fabrikë tjetër.

“Projekti jonë ka qenë një fabrikë për prodhim të drurit”, ka deklaruar ai.

Gazetarja: Çka keni pas me prodhu?
Kuçi: Kena pas me prodhu prodhim të peletit edhe përpunim të drurit të dizajneve 3D”, tha ai.

Në kontratën e nënshkruar në mes të kryetarit të atëhershëm të Suharekës, Sali Asllanaj dhe njërit nga pronarët e kompanisë “Tirolspan”, Armend Kuçin shkruhet se qiramarrësi duhet që brenda një viti, pas nënshkrimit të kontratës, të pajiset me leje të ndërtimit.

Armend Kuçi, pronar i kompanisë “Tirolspan”, në emër të së cilit edhe është nënshkruar kontrata, nuk arriti që të përmbushë këtë kriter. Ai thotë se arriti të marrë vetëm kushtet për aplikim të lejes dhe më pas u ballafaqua me një sëmundje të rëndë.

“Fatkeqësisht në muajin e pestë, me datë nëntëmbëdhjetë të muajit të pestë unë kam pasur një fatkeqësi shëndetësore që më ka ndodh mu, ajo që është që e din krejt Suhareka, jo veç unë e dinë krejt Suhareka, edhe unë u desh me pauzu një kohë goxha të gjatë se nuk jam kanë mirë me shëndetin”, tregon Kuçi për “Betimi për Drejtësi”.

Me leje ndërtimi Kuçi nuk u pajisë kurrë. Por kushtet për ndërtim, ai i kishte pranuar në fund të vitit 2017.

Sipas dokumenteve nga Drejtoria e Urbanizmit në Suharekë, më 5 dhjetor të vitit 2017, pala është pajisur me kushte të ndërtimit, e në këtë dokument bëhet e ditur se zona në të cilën kompania “Tirolspan” ka marrë me qera parcelat e tokës është zonë e destinuar për përdorim vetëm për veprimtari të përpunimit të tekstilit dhe lëkurës. Por, bazuar në dispozitat e planit lejohet edhe përdorimi i paraparë për veprimtari të elementeve nga materialet e plastikës, aluminit dhe drurit.

Si vërejtje theksohet se këto kushte vlejnë për një vit nga data kur janë lëshuar. Vazhdimi i vlefshmërisë së këtyre kushteve mund të bëhet edhe për një vit tjetër, nëse nuk është ndryshuar pjesa e planit urbanistik në bazë të cilit i është lëshuar ky dokument. Pala duhet që një muaj para skadimit të afatit të fillojë procedurën e marrjes së lejes së Ndërtimit, në të kundërtën kushtet nuk janë të vlefshme nëse e kalon afatin një vjeçar dhe pala duhet t’i nënshtrohet riprocedimit.

Për shkak të gjendjes së rëndë shëndetësore, Kuçi thotë se nuk arriti që të përmbushë asnjë nga këto kritere.

“Domethënë prej 2015 deri në janar të 2023-tës unë jam kanë në kontroll të mjekëve në Tiranës që nuk jam kanë gjendje as me punu, as me ba asnjë send”, tregon ai.

Kështu, nuk u përmbush as pika e dytë e nenit të 13 të kontratës e cila flet për obligimet e qiramarrësit, e cila thotë se “Qiramarrësi është i obliguar që t’i përmbahet afatit për ndërtimin e objektit përkatësisht të realizoj programin investiv sipas dinamikës së prezantuar, e më së largu në afat prej dy vitesh, përveç nëse programi investiv i ofruar ka paraparë afat më të gjatë, thuhet në kontratën e nënshkruar në mes të ish kryetarit Sali Asllanaj dhe biznesmenit, Armend Kuçit.

Për më shumë ndiqeni hulumtimin “Kryetari që nuk shkruan por nënshkruan marrëveshje të kundërligjshme”, në KTV.

Sigurimi Internacional

Ofertë speciale