Policia e Suharekës brenda 2 jave shqiptoi 480 tiketa trafiku

Në Komunën e Suharekës gjatë ditës së sotme është mbajtur takimi i radhës i sigurisë lokale.

Në takimin e sigurisë lokale, i dyti për këtë vit ndër tjerash është biseduar edhe për aktivitetet e Policisë së Kosovës në Suharekë.

Takimin e rregullt dyjavor të Koordinimit Lokal për Siguri që u mbajt sot i kryesuar nga nënkryetarja e Komunës së Suharekës Mihrije Suka, e cila ka njoftuar rreth aktivitetet të cilat janë zhvilluar në komunë gjatë dy jave.

Komandanti i Stacionit Policor në Suharekë, kapiteni Afrim Sylaj ndër tjerash ka bërë të ditur se gjatë dy javëve të kaluara në Policinë e Suharekës janë raportuar 6 aksidente trafiku, raporton SuharekaOnline.

Poashtu, përveç kësaj, Sylaj ka njoftuar se gjatë periudhës së njejtë kohore Policia e Kosovës në Suharekë ka shqiptuar 480 tiketa trafiku për të gjithë drejtuesit e automjeteve që nuk i kanë respektuar rregullat e komunikacionit.

Rikujtojmë se gjatë dy javëve të para të këtij viti, në Policinë e Suharekës janë raportuar 25 aksidente trafiku, ku përveç dëmëve materiale ka pasur edhe persona të lënduar. E poashtu, janë shqiptuar 588 tiketa trafiku.