Kryetari Muharremaj nderohet me flamurin e Policisë së Kosovës nga Komandanti Afrim Sylaj
Në një shenjë të rëndësishme e bashkëpunimit të suksesshëm mes policisë dhe qytetarëve, Stacioni Policor në Suharekë, nën drejtimin e Komandantit Afrim Sylaj, i dha Flamurin e Policisë së Kosovës z. Bali Muharremaj. Cermonia u bë më e veçantë pasi u zhvillua më 13 Qershor, në ditën e festës më të rëndësishme të komunës.
Foto: Ilustrim
Dhënia e këtij flamuri është një njohje e kontributit të Kryetarit Muharremaj në forcimin e marrëdhënieve pozitive mes policisë dhe komunitetit.
Gjestet e tij të vazhdueshme kanë ndihmuar në ndërtimin e besimit të publikut ndaj punës së policisë dhe kanë inkurajuar bashkëpunimin e hapur.
Në fjalën e tij pranimit të flamurit, Muharremaj shprehu falënderimin e thellë për këtë nderim të lartë. Ai theksoi se bashkëpunimi i ngushtë mes qytetarëve dhe policisë është thelbësor për të krijuar një mjedis më të sigurtë për të gjithë.
Dhënia e Flamurit të Policisë është lavdërim jo vetëm për z. Muharremaj, por edhe për Policinë e Kosovës në Suharekë. Kjo njohje forcon idenë se bashkëpunimi i fuqishëm mes policisë dhe qytetarëve është thelbësor për të ndërtuar një Kosovë më të sigurtë.
