Kanalizimi derdhet në lumin e Zi në Mushtisht, banorët kërkojnë ndërhyrje

Sipas banorëve, kjo pjesë e fshatit nuk është e kyçur në rrjetin e kanalizimit të fshatit, ndërsa ujërat e zeza përfundojnë në lumin e Zi.

Banorët thonë se situata është e papastër dhe paraqet shqetësim për mjedisin dhe banorët e zonës. Ata kërkojnë nga institucionet komunale që të ndërhyjnë dhe të gjendet një zgjidhje për kyçjen e kësaj lagjeje në sistemin e kanalizimit.

Banorët apelojnë që problemi të trajtohet sa më shpejt, në mënyrë që të shmanget ndotja e mëtejshme e lumit dhe rreziku për shëndetin publik.