Festar(i) sjell edhe këtë vit aksionin e dhurimit vullnetar të gjakut
Në kuadër të Festari(t), edhe këtë vit është organizuar aksioni i dhurimit vullnetar të gjakut, me pjesëmarrjen e qytetarëve që u bënë pjesë e këtij akti human.
Foto: Ilustrim
Organizatorët kanë falënderuar Transfuzionin e Gjakut për gatishmërinë dhe bashkëpunimin, ndërsa mirënjohje të veçantë u kanë shprehur të gjithë dhuruesve vullnetarë, të cilët edhe këtë herë dëshmuan humanizëm dhe solidaritet.
Aksioni synon të kontribuojë në sigurimin e rezervave të gjakut për personat që kanë nevojë, duke përcjellë mesazhin se çdo dhurim mund të jetë një mundësi për të shpëtuar një jetë.
“Çdo pikë gjaku është një mundësi për jetë. Sa më shumë dhurues, aq më shumë shpresë për ata që kanë nevojë”, është mesazhi i përcjellë me këtë rast.
Organizatorët kanë falënderuar të gjithë ata që kontribuuan në këtë nismë humanitare.
