Aksioni për shkyçjen e konsumatorëve me borxhe vazhdon në Mushtisht

Gjatë ditës së sotme, ekipet e Inspektoratit, të asistuara nga Policia e Kosovës, kanë zhvilluar aksion në Njësinë e Suharekës, konkretisht në fshatin Mushtisht.

Sipas kompanisë, aksioni synon rritjen e përgjegjësisë së konsumatorëve dhe respektimin e obligimeve për pagesën e shërbimeve të ujësjellësit.

KRU “Hidroregjioni Jugor” ka bërë të ditur se aksionet për shkyçje do të vazhdojnë edhe në ditët në vijim në të gjitha njësitë e kompanisë.