Shtime: Ndahet nga jeta drejtoresha e arsimit, Yllka Fejzullahu

Kryetari i komunës, Dr. Qemajl Aliu, përmes një reagimi publik e ka cilësuar këtë humbje si të rëndë për institucionet dhe qytetarët.

Ai theksoi se Fejzullahu ishte ndër aktivistet e para të Lëvizjes, asambleistja e parë në Kuvendin Komunal dhe një figurë e shquar në jetën politike e institucionale të Shtimes.

Sipas tij, ajo u dallua si drejtoreshë e përkushtuar e arsimit, duke dhënë kontribut të rëndësishëm në avancimin e reformave arsimore në komunë.

Kryetari Aliu vlerësoi lart integritetin, profesionalizmin dhe përkushtimin e saj, duke e përshkruar si një grua të urtë, punëtore dhe me dinjitet të lartë njerëzor e intelektual.

Ai shtoi se Fejzullahu ishte frymëzim për të rinjtë dhe la gjurmë të pashlyeshme në jetën publike.

Yllka Fejzullahu ndërroi jetë pas një sëmundjeje të shkurtër, në kulmin e karrierës së saj, duke lënë pas pikëllim të madh te familjarët, bashkëpunëtorët dhe qytetarët e Shtimes.

Ajo do të kujtohet për kontributin e saj në arsim, politikë dhe shoqëri.