Instruktorja gjobitet me 200 euro pasi kandidatja përdori telefonin gjatë vozitjes!

21.10.2025

Një instruktore e auto-shkollës në Ferizaj është ndëshkuar nga Policia Rajonale pasi kandidatja që po trajnohej nën mbikëqyrjen e saj u kap duke përdorur telefonin celular gjatë vozitjes.

Rasti ndodhi në rrugën “Brahim Ademi” në Ferizaj, ku patrulla e Njësisë së Komunikacionit Rrugor ndaloi një automjet të auto–shkollës, i cili po drejtohej nga kandidatja G.H., nën mbikëqyrjen e instruktore­s N.S., 51 vjeçe.

Meqë instrukturja konsiderohet përgjegjëse për veprimet e kandidatit gjatë ushtrimeve, ndaj saj është shqiptuar gjobë në vlerë prej 200 euro, me dy pikë negative dhe ndalim të drejtimit të automjetit për tre muaj, në përputhje me nenin 231, paragrafi 9.2 të Ligjit Nr. 08/L-186.

Policia bëri të ditur se kjo nuk është hera e parë që instrukturja është evidentuar për përdorim të telefonit gjatë drejtimit të mjetit.