Shënohet dita botërore e zemrës, QKMF-Suharekë viziton të moshuarit në Shtëpinë e të Moshuarve “Jetimat e Ballkanit” në Gjinoc

Dita Botërore e Zemrës u shënua dje nga Qendra Kryesore e Mjekësisë Familjare “Rexhep Kuçi” në Suharekë, me aktivitete të veçanta në Shtëpinë e të Moshuarve “Jetimat e Ballkanit” në Gjinoc dhe në Qendrën Ditore për të Moshuar në Suharekë.

Të pranishmëve iu bë matja e tensionit dhe glikemisë, ndërsa u shpërndanë fletëpalosje informuese me këshilla për shëndetin e zemrës.

Atmosfera ishte e ngrohtë, me buzëqeshje dhe falënderime nga të moshuarit, të cilët u shprehën të kënaqur me këtë aktivitet.