PDK dega në Suharekë hap zyrtarisht fushatën për zgjedhjet e 9 shkurtit!

Partia Demokratike e Kosovës, me entuziazëm të madh, ka filluar fushatën në të gjithë vendin, duke prezantuar programet e tyre dhe vizionin për të ardhmen e Kosovës.

Dega e PDK-së në Suharekë është veçanërisht e nderuar që në listën e kandidatëve të kësaj partie, me numrin 1, të jetë kryeministri aktual i Kosovës, z. Bedri Hamza. Kjo tregon rëndësinë që Suhareka ka për PDK-në dhe për qeverinë në përgjithësi.

Përveç kryeministrit Hamza, në listën e kandidatëve të PDK-së nga Suhareka gjenden edhe figura të tjera të njohura dhe me përvojë, si z. Enver Hoxhaj në vendin e katërt, z. Ramë Vataj në vendin e 58-të, znj. Qefsere Kuçi në vendin e 59-të dhe znj. Gresë Baraliu-Halili në vendin e 64-të.

“Jemi të bindur se me një ekip të tillë, me përvojë dhe vizion, do të fitojmë besimin e qytetarëve të Suharekës dhe të gjithë Kosovës. Programi ynë është i qartë dhe konkret, dhe ne jemi të përkushtuar për të realizuar çdo premtim që i bëjmë qytetarëve”, thuhet në njoftimin e PDK-së së degës së Suharekës.

Gjatë fushatës elektorale, PDK-ja do të organizojë një sërë aktivitetesh në të gjithë vendin, duke përfshirë takime me qytetarët, debate, dhe tubime elektorale. Partija do të prezantojë në detaje programin e saj për zhvillimin ekonomik, social dhe politik të Kosovës.