Zgjedhjet e 17 tetorit, akreditohen rreth 25 mijë vëzhgues

Kanë mbetur edhe tre ditë që nga dita kur edhe do të mbahen zgjedhjet lokale, të dielën më 17 tetor.

14.10.2021 / Zgjedhjet

Zgjedhjet e 17 tetorit, akreditohen rreth 25 mijë vëzhgues
Foto: Ilustrim

Komisioni Qendror i Zgjedhjeve (KQZ) ka mbajtur mbledhje përgjatë kësaj kohe për t’u përgatitur sa më mirë për këto zgjedhje, ku tashmë e ka përmbyllur edhe procesin e akreditimit të vëzhguesve dhe mediave.

Sipas Valmir Elezit, zëdhënësit të Komisionit Qendror të Zgjedhjeve (KQZ), numri i përgjithshëm i vëzhguesve të akredituar është rreth 25 mijë vëzhgues, ku prej tyre përfaqësojnë subjektet politike pjesëmarrëse në këto zgjedhje lokale të 17 tetorit, organizatat joqeveritare, organizata ndërkombëtare, ambasada, institucion vendor dhe media.


“Numri më i madh i vëzhguesve të akredituar, 23 mijë e 46, është nga subjektet politike garuese (parti politike 21,737; koalicion 387; iniciativa qytetare 883; dhe kandidatë të pavarur 39 vëzhgues).

Ndërsa, numri i vëzhguesve të organizatave jo-qeveritare vendore është 768 dhe 70 të tjerë nga Avokati i Popullit”, tha ai për Klankosova.tv.

Po ashtu, zgjedhjet lokale do të vëzhgohen edhe nga një numër i konsiderueshëm vëzhguesish ndërkombëtar, vëzhgues këta të akredituar nga KQZ-ja.

Numri i vëzhguesve të organizatave ndërkombëtare është 177, ndërsa 39 të tjerë u takojnë ambasadave apo konsullatave në Republikën e Kosovës.

Gjithashtu, KQZ-ja ka bërë edhe akreditimin e mediave vendore dhe ndërkombëtare, të cilat do të raportojnë për këtë proces zgjedhor.

520 përfaqësues të mediave vendore dhe rreth 30 të tjerë që përfaqësojnë media rajonale dhe ndërkombëtare.

KOMENTE0

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *