Ballkani dënohet me 1500 euro për sjellje të papërshtatshme në ndeshjen me Dritën
para 49 dite
Komisioni Disiplinor dhe Etikës i Federatës së Futbollit të Kosovës (FFK) ka vendosur dënime për klubin FC Ballkani dhe përfaqësuesit e tij, pas ngjarjeve të regjistruara në ndeshjen e xhiros së 15-të të Albi Mall Superligës kundër ekipit të Dritës.
Sipas një njoftimi të FFK-së, pas shqyrtimit të të gjitha provave dhe dëshmive, Komisioni ka arritur në përfundimin se përfaqësuesit e klubit Ballkani kanë shfaqur një sjellje të papërshtatshme gjatë dhe pas ndeshjes.
Dënimet e vendosura janë si vijon:
- Idriz Hajrizi, udhëheqësi i ekipit, është dënuar me 2 ndeshje pezullim dhe një gjobë prej 200 euro për protestat dhe fyerjet ndaj gjyqtarëve.
- Omer Bunjaku, drejtori sportiv, është dënuar me 2 ndeshje pezullim dhe një gjobë prej 300 euro për kërcënimet dhe fyerjet ndaj gjyqtarëve dhe organeve të FFK-së.
- FC Ballkani është dënuar me një gjobë prej 1000 euro për lejimin e qasjes së personave të paautorizuar në zonat zyrtare të stadiumit, të cilët kanë shfaqur një sjellje agresive ndaj gjyqtarëve.
Arsyetimi i Komisionit
Komisioni Disiplinor dhe Etikës ka theksuar se sjelljet e përshkruara janë në kundërshtim të rregullores disiplinore të FFK-së dhe dëmtojnë imazhin e futbollit kosovar.
