Suharekë, rreth 4600 punëkërkues gjatë vitit 2021, rritet dukshëm interesimi i femrave

Sipas të dhënave zyrtare për vitin 2021 në Suharekë mesatarisht janë regjistruar 4612 punëkërkues, ku numri më i lartë i tyre është shënuar në muajin nëntor, gjithsej 4957.

Gjithashtu, numrat tregojnë se numri i femrave të interesuara për punë nga viti në vit është rritur dhe i inkurajon ato që të kërkojnë të drejtën e punës që të jenë pjesë e zhvillimit të shoqërisë, për çka garantohet edhe nga ligji për barazi gjinore.

Numri i punëkërkuesve në Suharekë në vitin 2020

Sipas nenit 49 të Kushtetutës së Kosovës, në pikën 2 thuhet se secili person është i lirë të zgjedhë profesionin dhe vendin e punës.

Kjo e drejtë rregullohet edhe me ligjin e punës sipas të cilit ndalohet diskriminimi në mes të racës, ngjyrës, gjinisë, fesë, moshës, gjendjes familjare, mendimit politik prejardhje kombëtare ose sociale, gjuhës anëtarësisë që e ka fuqinë e anulimit ose mosdhënies së mundësive të barabarta për punësim apo profesion apo ngritje profesionale.