Suharekë, brenda 9 vite bie numri i nxënësve për 30% në shkollat fillore dhe 32% në ato të mesme
Nga viti në vit, numri i nxënësve në arsimin parafillor, fillor, në arsimin e mesëm të ulët dhe të mesëm të lartë, në Kosovë po shënon rënie. Një dukuri e tillë po e shoqëron edhe Komunën e Suharekës, ku në bazë të të dhënave që ka siguruar SuharekaOnline nga viti 2011 deri në vitin 2020, […]
Nga viti në vit, numri i nxënësve në arsimin parafillor, fillor, në arsimin e mesëm të ulët dhe të mesëm të lartë, në Kosovë po shënon rënie.
Një dukuri e tillë po e shoqëron edhe Komunën e Suharekës, ku në bazë të të dhënave që ka siguruar SuharekaOnline nga viti 2011 deri në vitin 2020, numri i nxënësve ka shënuar rënie të dukshme.
Njëra ndër arsyet për numrin e vogël të nxënësve është edhe rënia e natalitetit në vend, ku në periudhën 2010-2021 numri i lindjeve të gjalla është zvogëluar prej rreth 33 mijë sa ishte në 20 mijë, e që kjo mund ta gjejë Kosovën si vendin me modest në Ballkan.
Gjithashtu, qëndron edhe fakti që arsyet socio-ekonomike në vend i shtyjnë të rinjtë, njerëzit e talentuar të largohen nga vendet e tyre.
4. Sa është numri i nxënësve në shkollat fillore
2011 | 2012 | 2013 | 2014 | 2015 | 2016 | 2017 | 2018 | 2019 | 2020 |
11064 | 10701 | 10140 | 9920 | 9310 | 8644 | 8294 | 8294 | 7987 | 7643 |
Duke krahasuar numrin e nxënësve në shkollat fillore, për periudhen 2011-2020, rezulton që numri ka rënë për 30.9%.
5. Sa është numri i nxënësve në shkollat e mesme
2011 | 2012 | 2013 | 2014 | 2015 | 2016 | 2017 | 2018 | 2019 | 2020 |
3494 | 3246 | 3526 | 2900 | 3096 | 3193 | 3079 | 3079 | 2712 | 2343 |
Ndërsa, duke krahasuar numrin e nxënësve për periudhën 2011 deri në vitin 2020, rezulton se numri i nxënësve në shkollat e mesme ka rënie për 32.9%.