Suhareka e 12-ta për nga numri i përfituesve nga skema e pensionit të veteranit

Sipas rezultateve të dala nga ky publikim rezulton se gjatë muajit shkurt 2022 në Kosovë 37,015 qytetarë kanë marrë pagë në bazë të skemës së pensioneve për veteranët e luftës.

Nga shifra e lartpërmendur Komuna e Suharekës renditet e 12-ta me 1633 qytetarë që kanë përfituar nga pensioni i veteranit.

Ndryshe kryeministri i Republikës së Kosovës, Albin Kurti ka pritur sot në takim Faton Klinakun, nga Organizata e Veteranëve të Luftës së Ushtrisë Çlirimtare të Kosovës, së bashku me kryetarët e disa degëve të organizatës së veteranëve të luftës, ku ndër tjera u diskutua edhe çështja e pastrimit të listave, për çfarë përfaqësuesit nga OVL e UÇK-së shprehën gatishmëri për të gjetur mundësitë e bashkëpunimit në të ardhmen me Qeverinë.