Shtyhet seanca ndaj tre të akuzuarve për vjedhje në Reshtan të Suharekës

New Born Master

Kualifikohu për KODIN 95 në Maribor-Slloveni për kategorinë C, CE, D!

Me akvendim procedural, gjyqtari Lavdim Bajraktari ka obliguar Prokurorinë Themelore në Prizren që brenda afatit 15 ditor, ta pais me shkresat e lëndës të pandehurin J.K, i cili gjendet në Qendrën e Paraburgimit në Dubravë.

Përveç paisjen me shkresa, i pandehuri J.K ka kërkuar edhe angazhimin e mbrojtësit sipas detyrës zyrtare, pasi që i njejti nuk ka mjete të mjaftueshme për të paguar vetë mbrojtësin.

Lidhur me këtë çështje gjyqtari Bajraktari do të vendos pasi që i pandehuri J.K do ta sjell dokumentin që e argumenton pamundësinë e tij financiare për ta paguar mbrojtësin, raporton “Betimi për Drejtësi”.

Të pranishëm në këtë seancë kanë qenë prokurori Besim Susuri, i akuzuari F.R dhe mbrojtësi i tij avokati Asdren Hoxha, i pandehuri J.K, ndërsa ka munguar i pandehuri F.H pavarësisht se gjykata ndaj tij ka lëshuar urshërarrest të hapur dhe ftesë, i njëjti nuk i është përgjigjur ftesës.

Sipas aktakuzës së Prokurorisë Themelore në Prizren, të akuzuarit F.H, J.K dhe F.R, akuzohen se më 3 janar 2017, në fshatin Reshtan të Komunës së Suharekës, në parkingun e marketit “Enisi”, në bashkëveprim, personit tjetër ia marrin pasurinë me qëllim të përvetësimit të kundërligjshëm për vete apo për tjetrin, në atë mënyrë që shkojnë në vendin e lartëcekur, duke e shfrytzuar momentin e volitshëm, mos prezencën e të dëmtuarit Rr.Z, i afrohen automjetit të së dëmtuarit “BMW X5”, hapin derën dhe nga aty marrin një qantë të femrave në vlerë prej 180 euro, ku aty ishte portofolia ne vlërë prej 50 euro, kartëmonedhë 50 euro, një telefon të markës “Iphone 6” në vlerë prej 600 euro, kartela bankare dhe largohen nga vend i ngjarjes.

Kështu, të dëmtuarit i shkaktojnë dëm material në vlerë prej 880 euro.

Me këto veprime akuzohen se të lartëcekurit në bashkëkryerje kanë kryer veprën penale “Vjedhje” nga neni 325 paragrafi 1 lidhur me nenin 31 të KP-së. /BetimipërDrejtësi