Shkurorëzimet në Kosovë: Suhareka renditet e 6-ta në nivel vendi, përballet me një trend shqetësues
Sipas të dhënave të fundit të Agjencisë së Statistikave të Kosovës (ASK), numri i shkurorëzimeve në vend vazhdon të jetë i lartë.
Foto: shot of word marriage
Vetëm gjatë dhjetë muajve të parë të vitit 2024, mbi 1400 çifte kanë vendosur të ndahen.
Një trend shqetësues është vërejtur edhe në Komunën e Suharekës, e cila renditet në vendin e gjashtë për numrin më të madh të shkurorëzimeve në periudhën janar – tetor, me 10 raste të regjistruara.
Sipas të dhënave të ASK-së, muaji janar ka qenë ai me numrin më të lartë të shkurorëzimeve, me 155 çifte që kanë vendosur të divorcohen. Muajt e tjerë kanë pasur gjithashtu një numër të konsiderueshëm të shkurorëzimeve, me përjashtim të muajit prill, kur numri ka pësuar një rënie të lehtë.
Qytetet e tjera që po përballen me një numër të lartë të shkurorëzimeve përfshijnë Pejën, Prizrenin, Podujevën dhe Ferizajn, me nga 13 raste secila në muajin tetor. Në kontrast, kryeqyteti Prishtina ka regjistruar vetëm pesë raste të shkurorëzimeve gjatë të njëjtit muaj.
