Gastronomët e Suharekës më shumë se kurrë të mobilizuar për protestën para Qeverisë

Kjo protest vie në shenjë pakënaqësie me masat e fundit anti-COVID, kundër përhapjes së virusit.

Mobilizimi i anëtarëve të kësaj shoqate ka filluar tashmë dhe janë duke u kryer përgatitjet e fundit.

Në disa prej qyteteve të Kosovës veçse kanë filluar takimet për t’u organizuar lidhur me mbarëvajtjen e protestës.

Duhet përkujtuar që pavarësisht se numri i rasteve me COVID-19 prej disa muajsh pati rënie në Kosovë, masat antiCOVID në Kosovë vazhdojnë të jenë thuajse të njëjta.

Përpos orës policore, lokalet e gastronomisë dhe hotelierisë po vazhdojnë të kenë masa të veçanta sa i përket shërbimit.

E pikërisht për këtë të njëjtit kanë vazhduar të kërkojnë nga Qeveria ndryshimin e këtyre masave.

“Prizreni e Suhareka, më shumë se kurrë të mobilizuara në mbrojtje të të drejtës së tyre, në përkrahje të protestës “BOLL MA”, të SHGK-së dhe OHTK-së!

Shihemi të mërkurën me dt. 15/12/21, në ora 13:00, para Qeverisë!BOLL MA – Durimit tonë i ka ardhur fundi!”, u tha nga Shoqata e Gastronomëve.