546 familje të dëshmorëve dhe invalidëve të luftës në Suharekë përfitojnë pagë nga shteti
Agjencia e Statistikave të Kosovës (ASK) publikon Statistikat e Mirëqenies Sociale për muajin Maj 2023. Në këto të dhëna ndër tjerash figurojnë edhe ato të numrit të familjeve të dëshmorëve dhe invalidëve të luftës, raporton SuharekaOnline. Sipas ASK-së thuhet se në muajin maj nga pensionet e kësaj skeme kanë përfituar 12.995 familje, numër ky më […]
Foto: Ilustrim
Agjencia e Statistikave të Kosovës (ASK) publikon Statistikat e Mirëqenies Sociale për muajin Maj 2023.
Në këto të dhëna ndër tjerash figurojnë edhe ato të numrit të familjeve të dëshmorëve dhe invalidëve të luftës, raporton SuharekaOnline.
Sipas ASK-së thuhet se në muajin maj nga pensionet e kësaj skeme kanë përfituar 12.995 familje, numër ky më i vogël se ai i muajve të kaluar të këtij viti.
| Muaji/ Viti | Numri i familjeve të dëshmorëve dhe invalidëve të luftës në tërë Kosovën |
| Janar/2023 | 13.052 |
| Shkurt/2023 | 13.048 |
| Mars/2023 | 13.027 |
| Prill/2023 | 13.008 |
| Maj/2023 | 12.995 |
Duke u bazuar në të dhënat e ASK-së figuron se në Komunën e Suharekës gjatë muajit maj 2023 janë regjistruar 546 familje të cilat kanë përfituar nga kjo skemë.
Krahasuar me muajt paraprak të këtij viti në Komunën e Suharekës numri i këtyre familjeve është rritur.
| Muaji/Viti | Numri i familjeve të dëshmorëve dhe invalidëve të luftës në Komunën e Suharekës |
| Janar/2023 | 544 |
| Shkurt/2023 | 545 |
| Mars/2023 | 545 |
| Prill/2023 | 545 |
| Maj/2023 | 546 |
