Kualifikimi në Evropë, barazhi dhe rënia – Hyseni jep parashikimin e tij për përfundimin e Superligës

Ish futbollisti i njohur kosovar, Berat Hyseni ka dhënë parashikimin e tij në lidhje me xhiron e fundit të Superligës së Kosovës.

Në fundjavë do të zhvillohen ndeshjet e fundit të këtij stinori, me ç’rast edhe do të mësohet fati i skuadrave që kanë akoma objektiva në lojë.

Sipas Berat Hysenit, skuadra e Dritës do të kualifikohet për në garat evropiane.

“Mendoj që në Evropë do të dalë skuadra e Dritës, sepse tani më veç është në vendin e dytë dhe ndeshjen e fundit e luan kundër Arbërisë që besoj që e fiton takimin dhe siguron kalimin në garën evropiane”, tha fillimisht Berat Hyseni për ‘GazetaBlic Sport’.

Sa i përket fundit të tabelës, Hyseni mendon se Arbëria do të bie nga Superliga, ndërsa Feronikeli do të luajë në barazh,“Sa i përket barazhit besoj që do të jetë skuadra e Feronikelit, kurse Arbëria do të jetë në Ligën e Parë, kështu mendoj sipas ndeshjeve që do të luhen në javën e fundit, sepse llapi do duhet të fitojë poashtu dhe Trepça 89′ ndaj Drenicës dhe Feronikeli nëse humbet mbetet në barazh”, përfundoi Hyseni.