Distria Krasniqi dhe Laura Fazliu priten nga ministri Çeku pas suksesit në Botërorin e Xhudos

Në një postim në rrjetin social Facebook, ministri Çeku ka shprehur krenarinë dhe mirënjohjen për dy medalistet, duke theksuar rëndësinë e vazhdueshme të sportistëve kosovarë në arenën ndërkombëtare.

“Kampionet tona sërish në majat botërore! 🇽🇰 Sot i prita me shumë kënaqësi në takim Distria Krasniqin dhe Laura Fazliun, të cilat na bënë krenarë në Kampionatin Botëror të Xhudos, Disi me medaljen e argjendtë dhe Laura me të bronztën”, shkroi ministri.

Ai gjithashtu ka përgëzuar trajnerët Toni Kuka dhe Majlinda Kelmendi, si dhe Agron Kukën, kryetarin e Federatës së Xhudos së Kosovës, për punën dhe angazhimin e palodhshëm që vazhdimisht po sjellë rezultate të jashtëzakonshme për vendin.

“Kosova vazhdon të shkëlqejë në sport falë punës, disiplinës dhe talentit të sportistëve tanë,” përfundoi Çeku.

Ky sukses i radhës për xhudistet kosovare vjen vetëm pak muaj para Lojërave Olimpike Paris 2024, ku pritet që Kosova të përfaqësohet sërish me emra të mëdhenj në sportin e xhudos.